.jpg)
.jpg) |
| NHCP Photo Collection, 2026 |
Location: Sentrong Pangkultura ng Biñan, Plaza Rizal, Biñan, Laguna
Category: Personages
Type: Biographical marker
Status: Level II - Historical marker
Marker date: 21 March 2026
Installed by: National Historical Commission of the Philippines (NHCP)
Marker text:
ENCARNACION ALZONA
HISTORYADOR, AKADEMIKO, FEMINISTA, AT SUPRAHISTA O TAGASULONG NG KARAPATANG MAKABOTO ANG MGA KABABAIHAN. ISINILANG SA BIÑAN, LAGUNA, 23 MARSO 1895. PANGANAY NA ANAK NINA CAYO ALZONA AT EMILIA AMORANTO. NAGTAPOS NG BATSILYER NG AGHAM SA EDUKASYON, 1917; MASTERADO NG SINING SA EDUKASYON, 1918; NAGING PROPESOR NG KASAYSAYAN, 1922-1945, AT REHENTE, 1959-1966, SA UNIBERSIDAD NG PILIPINAS. NAGING PENSIONADA NG PAMAHALAANG AMERIKANO AT NAGTAPOS NG PANGALAWANG MASTERADO MULA SA RADCLIFFE COLLEGE NG HARVARD UNIVERSITY, 1920; AT DOKTORADO NG PILOSOPIYA SA KASAYSAYAN MULA SA COLUMBIA UNIVERSITY, 1922. GINAWARAN NG BARBOUR SCHOLARSHIP NG UNIVERSITY OF MICHIGAN, 1932. NAGING PANGULO NG PHILIPPINE ASSOCIATION OF UNIVERSITY WOMEN, 1928. NAGLINGKOD SA KILUSANG GERILYA NI MANUEL. L. QUEZON NOONG IKALAWANG DIGMAANG PANDAIGDIG. NAGING UNANG PILIPINANG KINATAWAN NG PILIPINAS SA UNESCO, 1946-1947, AT 1949. ISA SA MGA TAGAPAGTATAG NG KAPISANANG PANGKASAYSAYAN NG PILIPINAS, 1955. HINIRANG NG PAMAHALAAN NA TAGASALIN
NG MGA AKDA NI JOSE RIZAL, 1957-1962. KAUNA-UNAHANG PANGULO NG KABABAIHANG RIZALISTA, 1958. NAGING TAGAPANGULO NG PAMBANSANG KOMISYONG PANGKASAYSAYAN, 1966-1967. PINARANGALAN BILANG PAMBANSANG ALAGAD NG AGHAM NG PILIPINAS, 1985. YUMAO, 13 MARSO 2001.
