Maguindanao - Ruta ng Ekspedisyong Magallanes-Elcano sa Pilipinas

NHCP Photo Collection, 2021

Location: Old Cotabato City Hall, Cotabato City

Category: Sites/Events

Type: Site

Status: Level II - Historical marker

Marker date: 2021

Installed by: National Historical Commission of the Philippines (NHCP)

Marker text:

MAGUINDANAO

RUTA NG EKSPEDISYONG MAGALLANES–ELCANO SA PILIPINAS

INILARAWAN NI ANTONIO PIGAFETTA, TAGATALA NG EKSPEDISYON, ANG MAGUINDANAO BILANG MAYAMANG LUNGSOD NG COTABATO, DATING SENTRO NG SULTANATO NG MAGUINDANAO. BALAK NG EKSPEDISYON NA MAGHANAP DITO NG GAGABAY SA KANILA PATUNGO SA MALUKU, NOO’Y KILALANG PINAGMUMULAN NG MGA PAMPALASA (BAHAGI NGAYON NG INDONESYA), OKTUBRE 1521. SA KATUBIGAN NITO NAKASAGUPA NG EKSPEDISYON ANG MGA MANDIRIGMA NG MAGUINDANAO. ISA SA NABIHAG NG EKSPEDISYON AY ANG KAPATID NG PINUNO NG MAGUINDANAO NA NAGSABING PAMILYAR ITO SA MALUKU AT ITINURO ANG DIREKSYON PATUNGO ROON. AYON PA RITO, KILALA NITO SI FRANCISCO SERRAO, ANG PORTUGES NA KAIBIGAN NI FERNANDO MAGALLANES AT KUMUMBINSI DITO NA TUMUNGO SA MALUKU.

ANG PANANDANG PANGKASAYSAYANG ITO AY PINASINAYAAN BILANG AMBAG SA PAGGUNITA SA IKA-500 ANIBERSARYO NG UNANG PAG-IKOT SA DAIGDIG.

Sultan Dipatuan Kudarat (c. 1590–1671)

Location: Tantawan Park, Sinsuat Avenue, Cotabato City

Category: Personages

Type: Biographical marker

Status: Level II - Historical marker
Marker date: December 19, 2004

Installed by: National Historical Institute (NHI)

Marker text:

SULTAN DIPATUAN KUDARAT 

C. 1590–1671

IKAPITONG SULTAN NG MAGUINDANAO. KILALA SA MGA TALA NG ESPANYOL BILANG CORRALAT. NAMUNO MULA 1619 HANGGANG 1671. PINAGBUKLOD ANG MGA PINUNONG MUSLIM AT NAKIPAGKAISA SA SULTANATO NG SULU. LUMABAN SA MGA ESPANYOL, 1635–1645. NAGING TANGING PINUNO NG MALAWAK NA BAHAGI NG MINDANAO KABILANG ANG DAVAO, COTABATO AT ZAMBOANGA. NILAGDAAN ANG KASUNDUANG PANGKAPAYAPAAN NA NAGBUNGA NG ILANG TAONG KATIWASAYAN SA MINDANAO, 1645. KINILALA NA WALANG TAKOT NA TAGAPAGTANGGOL NG PANANAMPALATAYANG ISLAM AT UMUUSBONG NA KALAYAAN NG PILIPINAS. NAMATAY, 1671.

Simbahang Immaculada Concepcion ng Tamontaka*

NHCP Photo Collection, 2009

NHCP Photo Collection

NHCP Photo Collection, 2009

NHCP Photo Collection, 2009

Location: Tamontaka, Cotabato City
Category: Buildings/Structures

Type: House of Worship

Status: Level I- National Historical Landmark

Legal basis: Resolution No. 5, S. 2004 
Marker date: 2004 

Installed by: National Historical Institute (NHI)

Marker text:

SIMBAHANG INMACULADA CONCEPCION NG TAMONTAKA

UNANG IPINATAYO NG MGA PARING HESWITA SA PAMPANG NG PANLAHATAN SA ILOG TAMONTAKA NOONG 1872 BILANG BAHAGI NG MISYONG TAMONTAKA UPANG PANGALAGAAN ANG KAPAKANAN NG MGA KABATAAN AT PALAGANAPIN ANG EBANGHELYO SA REHIYON NG COTABATO. IPINATAYO ANG PAARALAN PARA SA MGA KABATAANG LALAKI SA PANGANGASIWA NG MGA HESWITA AT PAARALAN PARA SA MGA KABATAANG BABAE SA PANGANGALAGA NG MGA BEATA NG SAN IGNACIO (NGAYO’Y RELIGIOUS OF THE VIRGIN MARY O RVM). INILIPAT SA KASALUKUYANG KINATATAYUAN NITO, 1879 AT NAGING SENTRO NG MISYONG HESWITA. NILISAN NG MGA PARING HESWITA, 1899 AT INILAGAY SA PANGANGALAGA NG MGA HESWITA NG ZAMBOANGA. PINANGASIWAAN NG MGA PARING OBLATES OF MARY IMMACULATE AT NAGING BAHAGI NG KANILANG MISYON SA COTABATO, 1939. NASIRA NG LINDOL, 17 AGOSTO 1976. MULING ITINAYO, 1978. NASUNOG, 11 MAYO 1994, AT ISINAAYOS NANG TAON DING IYON. IPINAHAYAG ANG POOK NA PAMBANSANG PALATANDAANG MAKASAYSAYAN, 19 HULYO 2004.