Obispo Cesar Ma. Guerrero (1885-1861)

NHCP Photo Collection, 2025

NHCP Photo Collection, 2025

NHCP Photo Collection, 2025

Location: Mother of Good Counsel Seminary, San Fernando, Pampanga

Category: Personages

Type: Biographical marker

Status: Level II - Historical marker

Marker date: 8 September 2025

Installed by: National Historical Commission of the Philippines (NHCP)

Marker text:

OBISPO CESAR MA. GUERRERO (1885-1861)

OBISPO AT REPORMISTA. ISINILANG SA ERMITA, MAYNILA, 26 ENERO 1885 KINA AURORA DOMINGUEZ AT LEON MA. GUERRERO Y LEOGARDO. UNANG PILIPINONG PARMAKOLOGO. UNANG KALIHIM NG KALAKALAN NG AGRIKULTURA. NAGTAPOS SA ATENEO MUNICIPAL AT UNIBERSIDAD NG SANTO TOMAS. UNANG PILIPINONG NAGTAPOS SA KOLEHIYO GREGORIANO AT TUMANGGAP NG DOKTORADO SA TEOLOHIYA, 1913, AT SA BATAS KANONIKO SA ROMA, 1915, KUNG SAAN DIN SYA NAORDENAHAN, 1914. PAGBALIK SA PILIPINAS, NADESTINO SA PAROKYA NG BINONDO, 1915; KAPELYAHAN NG HOSPICIO DE SAN JOSE, 1917. PINAKABATANG OBISPO NG PILIPINAS NANG ITINALAGA BILANG OBISPO NG LINGAYEN, 1929. KATUWANG NA OBISPO NG ARKIDIYOSESIS NG MAYNILA, 1937. UNANG OBISPO NG SAN FERNANDO, PAMPANGA, 1949. TAGAPAGTATAG NG MAPAGBAGONG CRUZADA DE PENITENCIA Y CARIDAD, 1952, NA NAGTAGUYOD NG PANANAMPALATAYANG KATOLIKO SA MGA BARYO NG PAMPANGA SA HARAP NG BANTANG KOMYUNISTA. PINANGALANAN SIYANG UNANG PILIPINONG KONDE NG PAPA DAHIL SA KANYANG MGA AMBAG SA SIMBAHAN SUBALIT PINILING IPAGLINGKOD ANG KANYANG BUHAY NA NAKASUOT NG SUTANANG PRANSISKANO BILANG KASAPI NG IKATLONG ORDEN. ISANG DEBOTO NG INANG MARIA NG MABUTING PAYO HABANG NASA ROMA. IPINANGALAN SA KANYA ANG UNANG SEMINARYO SA PAMPANGA, 1950. TAGPAGTAGUYOD NG PAGTUTURO NG NOLI ME TANGERE AT EL FILIBUSTERISMO NI RIZAL SA MGA PAARALAN. NAMUHAY NA ISANG KONTEMPLATIBO SA HULING MGA ARAW SA HOSPICIO DE SAN JOSE HANGGANG SA YUMAO 27 MARSO 1961.