Parola ng San Bernardino

NHCP Photo Collection, 2023

NHCP Photo Collection

Location: San Bernardo Island, Bulusan, Sorsogon

Category: Buildings/Structures

Type: Structure, Lighthouse

Status: Level II-Marked Structure

Marker date: 26 July 2023

Marker text:

PAROLA NG SAN BERNARDIN

KILALA BILANG FARO DEL ISLOTE DE SAN BERNARDINO. IPINATAYO SA BISA NG REAL DECRETO NG 13 ABRIL 1885 NA NAG-UTOS NA LAGYAN NG PAROLA ANG MAHAHALAGANG BAYBAYIN SA PILIPINAS. IPINAILALIM SA KATEGORYANG FARO DE TERCERA ORDEN NA NAKAPAGBIBIGAY LIWANAG HANGGANG 19 MILYANG DAGAT. NATAPOS NI INHINYERO GUILLERMO BROCKMANN ANG DISENYO NG PAROLA, 15 OKTUBRE 1891. SINIMULAN ANG KONSTRUKSYON, 16 OKTUBRE 1893. PINASINAYAAN ANG ILAW NG PAROLA, 30 DISYEMBRE 1896. IDINAGDAG ANG PABELYON AT IBA PANG ISTRUKTURA NOONG PANANAKOP NG MGA AMERIKANO. GABAY-TANGLAW NG MGA SASAKYANG PANDAGAT NA DUMADAAN SA KIPOT NG SAN BERNARDINO MULA 1896 HANGGANG SA KASALUKUYAN. ISA SA MGA HALIMBAWA NG ARKITEKTURANG PANDAGAT PILIPINAS NOONG HULING BAHAGI NG IKA-19 DANTAON.

Parola ng Binondo

Location: Philippine Coast Guard Auxiliary, Binondo, Manila

Category: Buildings/Structures

Type: Lighthouse

Status: Level II - Historical marker

Marker date: 12 November 2002

Installed by: National Historical Institute (NHI)

Marker text:

PAROLA NG BINONDO

DATING KILALA BILANG "FARO Y LUCES DEL RIO PASIG." UNANG IPINATAYO SA MAY BUKANA NG ILOG PASIG NA MAY PIRMIHANG PULANG ILAW NA PANGHUDYAT SA PANAHON NG PANUNUNGKULAN NI GOBERNADOR HENERAL SEBASTIAN HURTADO DE CORCUERA, 1642. MULING IPINAGAWA NA MAY PABILOG NA HUGIS GAMIT ANG LENTENG ARGAND, 1843. DI NAIGUPO NG MGA LINDOL NG 1852 AT 1863. PINALITAN ANG KAYARIAN NG ILAWAN NG MGA LENTENG 6TH ORDER FRESNEL, 1866, MGA LENTENG CATADIORIPIC NANG AYUSIN ANG KUPOLA, 1868, AT ANG KUMISLAP NA PUTING ILAW NOONG HULING BAHAGI NG IKA-19 NA SIGLO. INAYOS AT PINAGANDA NG PHILIPPINE COAST GUARD, 1977 AT 1992; AT NG PHILIPPINE COAST GUARD AUXILIARY, 126TH SQUADRON, 2002.

Parola ng Cape Santiago

NHCP Photo Collection, 2015

NHCP Photo Collection, 2015

NHCP Photo Collection, 2018

Location: Calatagan, Batangas

Category: Buildings/Structures

Type: Structure, Lighthouse

Status: Level II - Historical marker

Marker date: 12 March 2018

Installed by: National Historical Commission of the Philippines (NHCP)

Marker text:

PAROLA NG CAPE SANTIAGO

KILALA BILANG FARO DE CABO SANTIAGO. UNANG SINIYASAT AT IPINANUKALA NI MARGIN PERS Y PERS, 1887. ITINAYO NG ALDECOA Y CIA NA YARI SA LADRILYO BATAY SA DISENYO NI GUILLERMO BROCKMAN, 1890. NAGSILBING GABAY NG MGA NAGLALAYAG SA DAUNGAN NG MAYNILA.

Parola ng Cape Engaño

Location: Location: Cape Engaño Lighthouse, Palaui Island, Santa Ana, Cagayan

Category: Buildings/Structures

Type: Lighthouse

Status: Level II - Historical marker
Marker Date: 2009

Marker text:

PAROLA NG CAPE ENGAÑO

IDINISENYO NI INHENYERO MAGIN PERS Y PERS AYON SA PLANO NG MGA PAROLA SA CAPE BOJEADOR, FARO DE PUNTA CAPONES AT FARO DE LA ISLA DE CABRA NA MAY TORE AT MGA PABELYON, 1 HUNYO 1887. IPINATAYO, 21 SETYEMBRE 1888. NATAPOS, 31 DISYEMBRE 1892. ISA SA MGA NATATANGING HALIMBAWA NG ARKITEKTURA AT NALALABING PAROLANG ITINAYO NOONG PANAHON NG MGA ESPANYOL.

Parola ng Poro Point

NHCP Photo Collection, 2006

NHCP Photo Collection, 2006

Location: San Fernando, La Union (Region I)
Category: Buildings/Structures
Type: Lighthouse
Status: Level II - Historical marker

Marker date: January 28, 2008

Installed by: National Historical Institute (NHI)

Marker text:

ANG PAROLA NG PORO POINT

IPINATAYO ANG PAROLANG GAWA SA BAKAL NA MAY LAMPARANG GAAS AYON SA DISENYO NG SAUTTER, ISANG KUMPANYANG PRANSES, 1885. IPINATAYO ANG PABELYON SA DISENYO NI JOSE FERNANDEZ PARA SA TAGAPAG-ALAGA NG PAROLA, 1886. IPINAHAYAG NI GOV. GEN. WILLIAM HOWARD TAFT ANG POOK NA KINATATAYUAN NG PAROLA BILANG U.S. RESERVATION AT GINAWANG KONGKRETO ANG LUMANG PABELYON, 1903. ITINAYO ANG BAGONG PAROLANG KONGKRETO, 1979.