Kapitolyo ng Bulacan

NHCP Photo Collection, 2026

Location: Malolos, Bulacan

Category: Buildings/Structures

Type: Government building

Status: Level II - Historical marker

Marker date: 23 January 2026

Installed by: National Historical Commission of the Philippines (NHCP)

Marker text:

KAPITOLYO NG BULACAN

UNANG ITINAYO NA MAY ISANG PALAPAG YARI SA OREGON PINE, GUIJO, AT YAKAL MATAPOS ILIPAT ANG KABISERA NG LALAWIGAN SA MALOLOS MULA SA BULAKAN, 1901-1904. NAGKALOOB SI DON ANTONIO S. BAUTISTA SA PAMAHALAANG PANLALAWIGAN NG LUPA NA GINAMIT UPANG MAISAKATUPARAN ANG PLANO NA MAGTAYO NG MAS MALAKING KAPITOLYO, 1906-1908. DITO ITINAYO ANG KASALUKUYANG GUSALING YARI SA KONKRETO, GRANITO, AT MARMOL SA ISTILONG ART DECO AYON SA DISENYO NI ARKITEKTO JUAN M. ARELLANO, 1930. GINAMIT NA HIMPILAN NG MGA HUKBONG HAPONES, NASUNOG AT NASIRA NOONG IKALAWANG DIGMAANG PANDAIGDIG. ISINAAYOS SA PANGUNGUNA NG PAMAHALAANG PANLALAWIGAN NG BULACAN, 1950. MULING ISINAAYOS AT PINALAWIG ANG GUSALI BILANG PAGTUGON SA LUMALAKING PANGANGAILANGAN NG LALAWIGAN, 1991.  

Kapitolyo ng Bukidnon

NHCP Photo Collection, 2025

NHCP Photo Collection, 2025

NHCP Photo Collection, 2025

Location: Bukidnon

Category: Buildings/Structures

Type: Capitol building

Status: Level II - Historical marker

Marker date: 20 March 2025

Installed by: National Historical Commission of the Philippines (NHCP)

Marker text:

KAPITOLYO NG BUKIDNON

SINIMULANG IPATAYO NG BUREAU OF PUBLIC WORKS ANG UNANG GUSALI NA YARI SA KAHOY BILANG TUGON SA PAGHIWALAY NG LALAWIGAN NG BUKIDNON MULA SA AGUSAN, NA NGAYO’Y AGUSAN DEL NORTE AT DEL SUR, SA BISA NG BATAS BILANG 2408, 1917. ITINAYO ANG KASALUKUYANG GUSALING GAWA SA KONGKRETO AT KAHOY ALINSUNOD SA DISENYO NI ARKITEKTO JUAN M. ARELLANO. PINASINAYAAN SA PANGUNGUNA NI GOBERNADOR ANTONIO V. RUBIN, 25 PEBRERO 1933. INILUKLOK SA TAPAT NITO ANG TAGDAN NG BANDILA, 1934. ISINAAYOS MATAPOS ANG IKALAWANG DIGMAANG PANDAIGDIG, SA PAMAMAGITAN NG PHILIPPINE REHABILITATION ACT OF 1946. ISA SA MGA NATATANGING KAPITOLYO SA MINDANAO NA NAPANATILI ANG MGA ELEMENTONG ISTILONG NEOKLASIKAL MULA SA KANYANG PAGKATATAG.

Kapitolyo ng Tarlac

NHCP Photo Collection, 2024

NHCP Photo Collection, 2024

NHCP Photo Collection, 2024

Location: Tarlac City, Tarlac

Category: Buildings/Structures

Type: Capitol building

Status: Level II - Historical marker

Marker date: 4 July 2024

Installed by: National Historical Commission of the Philippines (NHCP)

Marker text:

KAPITOLYO NG TARLAC

INILIPAT SA TUKTOK NG BUROL ANG SENTRO NG PAMAHALAANG PANLALAWIGAN NANG MASUNOG ANG CASA REAL, 1906. SA ILALIM NG PAMUMUNO NI GOBERNADOR MANUEL DE LEON, ITINAYO YARI SA KONGKRETO AT KAHOY AYON SA DISENYO NI ARKITEKTO WILLIAM PARSONS, 1909. ISINAAYOS SA PANGANGASIWA NI ARKITEKTO TOMAS MAPUA, 1927. SINAKOP AT NAGING HIMPILAN NG MGA SUNDALONG HAPON; AT NAWASAK NOONG IKALAWANG DIGMAANG PANDAIGDIG. MULING ISINAAYOS SA BISA NG PHILIPPINE REHABILITATION ACT OF 1946, 1950. ITINAYO ANG ANNEX BUILDING, DEKADA 1950. MULING ISINAAYOS, 1989; AT NOONG 2023 BILANG PAGGUNITA SA IKA-150 ANIBERSARYO NG PAGKAKATATAG NG LALAWIGAN NG TARLAC.

Kapitolyo Ng Negros Oriental

NHCP Photo Collection, 2024

NHCP Photo Collection, 2024

NHCP Photo Collection, 2024

Location: Dumaguete City, Negros Oriental

Category: Buildings/Structures

Type: Capitol building

Status: Level II - Historical marker

Marker date: 17 May 2024

Installed by: National Historical Commission of the Philippines (NHCP)

Marker text:

KAPITOLYO NG NEGROS ORIENTAL

INILIPAT DITO ANG SENTRO NG PAMAHALAANG PANLALAWIGAN NANG MASUNOG ANG DATING KAPITOLYONG GAWA SA KORALES AT KAHOY, 1922. IPINATAYO YARI SA KONGKRETO SA PANGANGASIWA NG MGA ARKITEKTONG SINA TOMAS MAPUA AT ANTONIO TOLEDO SA ISTILONG NEOKLASIKAL, 1923-1924. PINASINAYAAN SA PANGUNGUNA NI GOBERNADOR ENRIQUE C. VILLANUEVA, 25 PEBRERO 1925. NAKALIGTAS MULA SA MAPINSALANG LINDOL, 5 MAYO 1925. BINISITA AT DITO IPINAHAYAG NI PANGULONG MANUEL L. QUEZON ANG HANGARIN PARA SA TAPAT AT MALINIS NA HALALAN, 3 NOBYEMBRE 1938. NAGING HIMPILAN NG MGA SUNDALONG HAPON, AT NALIGTAS SA MALALANG PINSALANG DULOT NG IKALAWANG DIGMAANG PANDAIGDIG. ISINAAYOS, 1985.

Kapitolyo ng Capiz

NHCP Photo Collection, 2022

NHCP Photo Collection, 2022

NHCP Photo Collection, 2022

Location; Capiz Provincial Capitol, J.M. Basa Street cor. Magallanes Street, Roxas, Capiz

Category: Buildings/Structures

Type: Capitol building

Status: Level II - Historical marker

Marker unveiling date: 22 April 2022

Installed by: National Historical Commission of the Philippines (NHCP)

Marker text:

KAPITOLYO NG CAPIZ

IPINATAYO NA YARI SA KAHOY. IPINAAYOS NI SIMPLICIO JUGO VIDAL, UNANG GOBERNADOR NG CAPIZ, 1901-1903. DULOT NG MALAKAS NA BAGYO, MULING IPINAAYOS NA YARI SA KONGKRETO SA PANUNUNGKULAN NI GOB. JOSE CORTEZ ALTAVAS, AT NATAPOS 1911. IDINAGDAG ANG IKATLONG PALAPAG, 1945-1949. PINANATILI ANG DISENYONG AGILA NA NAKAUKIT SA HARAPAN NG GUSALI BILANG SAGISAG NG UGNAYAN NG PILIPINAS AT ESTADOS UNIDOS SA ILALIM NG REHIMENG AMERIKANO.

The Provincial Government Building of Bataan

Location: Balanga, Bataan

Category: Buildings/Structures

Type: Building

Status: Level II - Historical marker

Marker date: 1939

Installed by: Philippines Historical Committee (PHC)

Marker text:

THE PROVINCIAL GOVERNMENT BUILDING OF BATAAN

THIS BUIDING, FORMERLY KNOWN AS THE CASA REAL, WAS BUILT IN THE YEARS 1792-1794 ACCORDING TO THE PLANS OF DOMINGO DE LA CRUZ GONZALES, AN ARCHITECT. WHEN CHARLES IV WAS KING OF SPAIN, RAFAEL MARIA DE AGUILAR WAS GOVERNOR GENERAL OF THE PHILIPPINES, AND DOMINGO DE GOYENECHEA WA ALCALDE MAYOR OF BATAAN PROVINCE. EARTHQUAKE DAMAGED THE CASA REAL IN 1852 AND 1854, AND REPAIRS WERE MADE IN 1854, 1869, 1880 AND 1885. THIS BUILDING WAS THE HEADQUARTERS OF THE BATAAN REVOLUTIONARY GROVERNMENT FROM MAY 31, 1898 TO JANUARY 1900. FROM 1903 TO 1906 IT HOUSED THE PROVINCIAL HIGH SCHOOL.

Ang Gusaling Pamahalaan ng Laguna

Location: Old Laguna Provincial Capitol Building, Pedro Guevarra Avenue, Santa Cruz, Laguna

Category: Buildings/Structures

Type: Capitol building

Status: Level II - Historical marker

Marker date: July 28, 2015

Installed by: National Historical Commission of the Philippines (NHCP)

Marker text:

ANG GUSALING PAMAHALAAN NG LAGUNA

IPINATAYO NG PAMAHALAANG PANLALAWIGAN NG LAGUNA SA ILALIM NI GOBERNADOR JUAN CAILLES AYON SA DISENYO NI ARKITEKTO WILLIAM E. PARSONS, 1907. NASIRA NOONG IKALAWANG DIGMAANG PANDAIGDIG AT IPINAAYOS SA PAMAMAGITAN NG U.S.–PHILIPPINE REHABILITATION ACT OF 1946 AT NATAPOS, 1949. MULING IPINAAYOS, 2012, AT NANANATILING SENTO NG PAMAMAHALA SA LALAWIGAN.

Casa Real

© Adkranz/Wikimedia Commons/CC-BY-SA 4.0

© Andre Ryan Maceda/Wikimedia Commons/CC-BY-SA 4.0

Location: Batanes Provincial Capitol Building, National Road, Basco, Batanes

Category: Buildings/Structures

Type: Building

Status: Level II - Historical marker

Marker date: 2014

Installed by: National Historical Commission of the Philippines (NHCP)

Marker text:

CASA REAL

IPINAGAWA SA KAHOY NG MGA ESPANYOL NOONG IKA-18 SIGLO. IPINAGAWA SA BATO NI GOB. JOSE SERRA, 1872. DITO NAMATAY SI JULIAN FORTEA, ANG HULING GOBERNADOR ESPANYOL NG BATANES, NOONG SALAKAYIN NG MGA KATIPUNERO ANG CASA REAL, 18 SETYEMBRE 1898. NAGSILBING KABISERA NG MGA PINUNO NG BATANES NOONG PANAHON NG MGA ESPANYOL HANGGANG KASALUKUYAN.

Kapitolyo ng Sorsogon

NHCP Photo Collection, 2019

NHCP Photo Collection, 2019

NHCP Photo Collection, 2019

NHCP Photo Collection, 2019

Location: Sorsogon City, Sorsogon

Category: Buildings/Structures

Type: Capitol building

Status: Level II - Historical marker

Marker date: 17 October 2018

Installed by: National Historical Commission of the Philippines (NHCP)

Marker text:

KAPITOLYO NG SORSOGON

ANG TAHANAN NG ANGKANG DE VERA AY NAGING UNANG TANGGAPAN NI GOBERNADOR BERNARDINO MONREAL SIMULA 1902. PANSAMANTALANG NAGING OPISINA ANG KANLURANG BAHAGI NG GUSALI NG MATAAS NA PAARALANG PANLALAWIGAN HABANG GINAGAWA ANG GUSALING KAPITOLYO. ITINAYO YARI SA KONGKRETO ANG KAPITOLYO NG SORSOGON SA ISTILONG NEO-CLASSICAL KASABAY ANG GUSALING HUKUMAN AT PANLALAWIGANG PIITAN SA PANGANGASIWA NINA ARKITEKTO GEORGE FENHAGEN AT RALPH H. DOANE SA PANUNUNGKULAN NI GOBERNADOR VICTOR ECO, 1915–1917. ITINAYO ANG MONUMENTO NI JOSE RIZAL SA HARAPAN NG KAPITOLYO SA PANGANGASIWA NI ARKITEKTO JUAN ARELLANO SA ILALIM NG ADMINISTRASYON NI GOBERNADOR BERNABE FLORES PALMA, 1923.

Kapitolyo ng Lalawigan ng Ilocos Norte

NHCP Photo Collection, 2018

NHCP Photo Collection, 2018

NHCP Photo Collection, 2018

NHCP Photo Collection, 2018

Location: Laoag, Ilocos Norte

Category: Buildings/Structures

Type: Capitol building

Status: Level II - Historical marker

Marker date: 1 March 2018

Installed by: National Historical Commission of the Philippines (NHCP)

Marker text:

KAPITOLYO NG LALAWIGAN NG ILOCOS NORTE

ITINAYO AYON SA DISENYO NI RALPH HARRINGTON DOANE AT SA PANGANGASIWA NINA JOSE PAEZ AT TOMAS MAPUA, 1917–1925. NILISAN NI GOBERNADOR ROQUE ABLAN AT IPINAGPATULOY ANG PAMAHALAANG PANLALAWIGAN SA KABUNDUKAN NG MAANANTENG, SOLSONA, ILOCOS NORTE NANG DUMATING ANG HUKBONG HAPON SA LAOAG, 12 DISYEMBRE 1941. NABAWI NG 15TH INFANTRY, UNITED STATES ARMY FORCES IN THE PHILIPPINES–NORTHERN LUZON, 13 PEBRERO 1945. ISINAAYOS, 1957, AT PINASINAYAAN NI PANGULONG CARLOS P. GARCIA, 27 DISYEMBRE 1958. PINASINAYAAN ANG PANANDANG PANGKASAYSAYAN NA ITO KAUGNAY NG PAGDIRIWANG NG IKA-200 ANIBERSARYO NG PAGKATATAG NG LALAWIGAN NG ILOCOS NORTE, 1818–2018.

Old Capitol Building of Iloilo

Location: Iloilo City, Iloilo (Region VI)
Category: Buildings/Structures
Type: Government building
Status: Level II - Historical marker

Marker date: 2010

Installed by: National Historical Institute (NHI)

Marker text:

OLD CAPITOL BUILDING OF ILOILO

DATING CASA REAL NA YARI SA KAHOY AT BATO NOONG PANAHON NG MGA ESPANYOL. NAGING KAPITOLYO NANG ITINATAG ANG PAMAHALAANG SIBIL NG LALAWIGAN NG ILOILO, 11 ABRIL 1901. MARTIN T. DELGADO, REBOLUSYONARYO, UNANG GOBERNADOR, 1901–1904. GINAMIT NG MGA PWERSANG HAPONES NOONG IKALAWANG DIGMAANG PANDAIGDIG, 1942–1945. ISINAAYOS ANG ILANG BAHAGI NG GUSALI, MGA TAONG 1960’S. MULING IPINAAYOS MATAPOS MASUNOG ANG GUSALI, 4 NOBYEMBRE 1998. NAGING SENTRO SA PAGTATAGUYOD NG LALAWIGAN NG ILOILO, 1901–2001.