Simbahan ng Angat

NHCP Photo Collection, 2026

NHCP Photo Collection, 2026

Location: Angat, Bulacan

Category: Buildings/Structures

Type: House of worship

Status: Level II - Historical marker

Marker date: 4 May 2026

Installed by: National Historical Commission of the Philippines (NHCP)

Marker text:

SIMBAHAN NG ANGAT

UNANG NAGING BISITA NG QUINGUA, NGAYO'Y PLARIDEL, ITINATAG BILANG HIWALAY NA PAROKYA NA INIALAY SA PATRONATO NI SANTA MONICA SA PANUKALA NG UNANG KURA JUAN MORELOS, O.S.A. (AGUSTINO), 1683 NA SIYA RING NAGPATAYO NG UNANG PAYAK NA ISTRUKTURA. IPINATAYO ANG ISTRUKTURANG YARI SA BATO NI GREGORIO GINER, O.S.A., 1773. PINAGMULAN NG MGA PAROKYA NG BALIWAG, PULILAN, SAN RAFAEL, AT NORZAGARAY. NATAPOS ANG HARAPAN AT TATLONG PALAPAG NA KAMPANARYO, 1802, AYON KAY JOAQUIN MARTINEZ DE ZUÑIGA, O.S.A. ANG MGA GUSALI AY YARI SA BATO AT MAY BUBONG NA TISA NA NAKATIRIK SA ISANG MATAAS NA BAHAGI NG BAYAN NA KAKIKITAAN ANG KABUUAN NG ANGAT, 1803. NAGING UNANG PAROKYANG PINAGLINGKURAN NI MANUEL BLANCO, O.S.A., KUNG SAAN SIYA NAGING BIHASA SA TAGALOG AT NABIGHANI SA LUNTIANG KAPALIGIRAN NA NAGBUNSOD UPANG KANYANG ISULAT ANG FLORA DE FILIPINAS, 1805. NAPINSALA NG LINDOL, 1863 AT IPINAAYOS, 1866. DITO NAGKUBLI ANG MGA GUARDIA CIVIL SA KASAGSAGAN NG HIMAGSIKANG PILIPINO, 1896. PANSAMANTALANG NAGING HIMPILAN NG MGA HUKBONG AMERIKANO NI HENRY WARE LAWTON NOONG DIGMAANG PILIPINO-AMERIKANO, 1899. BILANG PAGDIRIWANG NG IKATLONG DAANG TAONG ANIBERSARYO NG PAGKAKATATAG NG PAROKYA, DUMAAN SA MALAKING PAGSASAAYOS ANG SIMBAHAN AT PATIO, 1981-1983 AT MULING INIALAY, 1984. DUMAAN SA MGA PAGSASAAYOS, 2002, 2013 AT 2016. ITINALAGA BILANG ISA SA LIMANG DAANG JUBILEE CHURCHES SA PAGDIRIWANG NG LIMANDAANG TAON NG KRISTIYANISMO SA PILIPINAS, 2021.

Basilika ng Tayabas

NHCP Photo Collection, 2025

NHCP Photo Collection, 2025

NHCP Photo Collection, 2025

NHCP Photo Collection, 2025

Location: Basilica Road, Barangay IV, Tayabas City, Quezon

Category: Buildings/Structures

Type: House of worship

Status: Level II - Historical marker

Marker date: 12 October 2025

Installed by: National Historical Commission of the Philippines (NHCP)

Marker text:

BASILIKA NG TAYABAS

ITINATAG NG MGA MISYONERONG PRANSISKANO, 1585. IPINASAAYOS ANG UNANG ISTRUKTURA SA ILALIM NI SAN PEDRO BAUTISTA, 1590. IPINATAYO ANG SIMBAHANG YARI SA BATO AT TISA NA INIALAY SA PATRONATO NI SAN MIGUEL ARKANGHEL, 1600; AT ANG KUMBENTO NA MAY TRONERAS BILANG TUGON SA MGA PANGANGAYAW, 1649. PANSAMANTALANG PINAGLAGAKAN NG LIMBAGAN NG MGA PRANSISKANO, 1703. MULING ITINAYO MATAPOS MAPINSALA NG LINDOL, 1743; PINALAKI AT DUMAAN SA MARAMING PAGSASAAYOS MULA IKA-17 HANGGANG IKA-18 DANTAON. ISA SA LIMANG GUSALING NAGING KUTA NG MGA KASTILA NOONG HIMAGSIKANG PILIPINO. ITINAAS DITO ANG BANDILA NG PILIPINAS MATAPOS SUMUKO SINA GOBERNADOR JOAQUIN PACHECO, 20 OPISYAL AT 175 SUNDALO SA PUWERSA NINA HENERAL MIGUEL MALVAR, ELEUTERIO MARASIGAN AT VICENTE LUKBAN NA NANGUNA SA PAGKUBKOB SA TAYABAS NA TUMAGAL NANG 50 ARAW, 13 AGOSTO 1898. NASIRA ANG KUMBENTONG NAGING HIMPILAN NG MGA HAPON HABANG NAKALIGTAS NAMAN ANG SIMBAHAN SA PINSALA NOONG IKALAWANG DIGMAANG PANDAIGDIG. UNANG PINAGKALOOBAN NG PANANDANG PANGKASAYSAYAN NG PAMBANSANG SURIANG PANGKASAYSAYAN, 1978 AT ISINAAYOS, 1984. HINIRANG BILANG BASILIKA MENOR NI PAPA JUAN PABLO II, 1988. IDINEKLARANG PAMBANSANG YAMANG PANGKALINANGAN NG PAMBANSANG MUSEO NG PILIPINAS, 2001.

Simbahan ng Jasaan

NHCP Photo Collection, 2024

NHCP Photo Collection, 2024

NHCP Photo Collection, 2025

Location: Jasaan, Misamis Oriental

Category: Buildings/Structures

Type: House of worship

Status: Level II - Historical marker

Marker date: 23 April 2025

Installed by: National Historical Commission of the Philippines (NHCP)

Marker text:

SIMBAHAN NG JASAAN

IPINATAYO NG MGA PARING REKOLETO ANG UNANG SIMBAHAN SA APLAYA BILANG VISITA NG CAGAYAN SA HILAGANG MINDANAO. NAGING GANAP NA PAROKYA PATRONATO NG INMACULADA CONCEPCION, 1830. INILIPAT ANG PANGANGASIWA NG PAROKYA SA MGA PARING HESWITA SA BISA NG DEKRETO NI REYNA ISABELA II, 1860-1861. INILIPAT ANG PAROKYA SA KASALUKUYAN NITONG LOKASYON. NAGTAYO NG BAGONG SIMBAHAN NA YARI SA KAHOY SA PANGUNGUNA NI FR. JUAN HERAS, SJ AT INAYON ANG DISENSYO MULA SA SIMBAHAN NG SAN IGNACIO SA INTRAMUROS, 1887. PANSAMANTALANG NATIGIL ANG PAGTATAYO DAHIL SA HIMAGSIKANG PILIPINO. BAHAGYANG NASIRA NG LINDOL, 1904. GANAP NA NATAPOS ANG PAGTATAYO NG SIMBAHAN NA YARI SA KAHOY AT LADRILYO, 1938. ISINAAYOS NOONG DEKADA ’80. IDINEKLARA BILANG PAMBANSANG YAMANG PANGKALINANGAN NG PAMBANSANG MUSEO NG PILIPINAS, 2001. MULING SINIMULAN ANG PAG-AAYOS AT IBINALIK SA ORIHINAL NA DISENYO SA PANGUNGUNA NG JASAAN PARISH RESTORATION & DEVELOPMENT COMMITTEE INC., 2013.

Simbahan ng San Jose Del Monte

NHCP Photo Collection, 2024

NHCP Photo Collection, 2024

NHCP Photo Collection, 2025

NHCP Photo Collection, 2025

Location: San Jose Del Monte, Bulacan

Category: Buildings/Structures

Type: House of worship

Status: Level II - Historical marker

Marker date: 13 February 2025

Installed by: National Historical Commission of the Philippines (NHCP)

Marker text:

SIMBAHAN NG SAN JOSE DEL MONTE

ITINATAG NG MGA PRANSISKANO BILANG VISITA NG MEYCAUAYAN GAMIT ANG MGA PAYAK NA MATERYALES. NAGING HIWALAY NA PAROKYA AT INIALAY SA PATRONATO NI SAN JOSE DE OBRERO, IKA -11 PEBRERO 1752. ITINAYO ANG SIMBAHANG YARI SA ADOBE SA UNANG BAHAGI NG IKA-19 DANTAON. NAPINSALA NG SUNOG, 13 PEBRERO 1822. NAIPATAYONG MULI SA TULONG PINANSYAL NG MGA MAMAMAYAN. PATULOY RING NAKATANGGAP NG PINANSYAL NA SUPORTA MULA SA PAROKYA NG MEYCAUAYAN HANGGANG 1853. INILARAWAN SA ISANG SIPI NG LA ILUSTRACION FILIPINA ANG BAGONG TAYONG GUSALI BILANG ‘DE MEDIANA ARQUITECTUR’ DAHIL SA KATAMTAMANG LAKI NITO, 1860. NAGING POOK-LABANAN AT NAPINSALA SA LABANAN NG MGA HUKBONG PILIPINO AT SUNDALONG ESPANYOL, 1896, AT NADATNANG NAPINSALA NG SUNOG, 1899. NAGING PIITAN NG MGA PILIPINONG LUMABAN SA MGA HAPON NOONG IKALAWANG DIGMAANG PANDAIGDIG. DUMAAN SA PAGSASAAYOS, 1976. NAPINSALA NG LINDOL, 1990. ISINAILALIM SA MALAWAKANG MODERNISASYON BILANG TUGON SA LUMALAGONG BILANG NG MANANAMPALATAYA, 1997. ANG KAMPANARYO ANG TANGING KAKIKITAANG BAHAGI NG LUMANG SIMBAHAN.

Unang Bahay Sambahan Ng Unang Lokal Ng Iglesia Ni Cristo

NHCP Photo Collection, 2025

NHCP Photo Collection, 2025

NHCP Photo Collection, 2025

Location: Punta, Santa Ana, Manila

Category: Buildings/Structures

Type: House of worship

Status: Level II - Historical marker

Marker date: 28 January 2025

Installed by: National Historical Commission of the Philippines (NHCP)

Marker text:

UNANG BAHAY SAMBAHAN NG 

UNANG LOKAL NG IGLESIA NI CRISTO 

ITINAYO ANG NEO-GOTIKO NEO-KLASIKONG GUSALING SAMBAHAN NG UNANG LOKAL NG IGLESIA NI CRISTO, 1937. NAGSILBING PANGUNAHING KAPILYA HANGGANG 1993 NANG MAPASINAYAAN ANG BAGONG TAYONG KONGKRETONG BAHAY SAMBAHAN SA KALAPIT NA LOTE NA DATING HIMPILAN NG MGA MANGGAGAWA NG ATLANTIC GULF AND PACIFIC COMPANY KUNG SAAN UNANG IPINANGARAL NI FELIX Y. MANALO ANG IGLESIANG ITO. ISINAILALIM SA MGA PAGSASAAYOS BATAY SA MGA TALA NG MGA NAKATATANDANG KAANIB, 1998-2000. PINASINAYAAN NI ERAÑO G. MANALO BILANG MUSEO, 10 MAYO 2000.

Simbahan ng Polo

NHCP Photo Collection, 2024

NHCP Photo Collection, 2024

Location: Marcelo H. Del Pilar Street, Poblacion, Polo, Valenzuela

Category: Buildings/Structures

Type: House of worship

Status: Level II - Historical marker

Marker date: 12 November 2024

Installed by: National Historical Commission of the Philippines (NHCP)

Marker text:

SIMBAHAN NG POLO

DATING BAHAGI NG VISITA NG CATANGALAN NA NOON AY SAKOP NG BAYAN NG MEYCAUAYAN, BULACAN. ITINATAG NG MGA PRANSISKANO ANG PAROKYA SA PATRONATO NI SAN DIEGO DE ALCALA AT ITINALAGA BILANG KURA-PAROKO SI PADRE JUAN TARANCON, O.F.M., 1623. ITINAYO ANG UNANG SIMBAHANG YARI SA BATO NI PADRE JOSE VALENCIA, O.F.M. KATUWANG ANG GOBERNADORCILLO NA SI JUAN TIBAY, 1629-1632. IPINAAYOS ANG SIMBAHAN AT ANG KUMBENTO NI PADRE VICENTE DE LA PUEBLA, O.F.M., 1852. PINAGAWAN NG MGA BAGONG KAMPANA NI PADRE JOSE GOMEZ DE HUERCE, O.F.M. LUBHANG NAPINSALA NG MGA LINDOL NG HUNYO 1863. AT HULYO 1880. MULING IPINAAYOS NI PADRE PEDRO ALCANTARA FLORES, O.F.M., 1886. NAWASAK NOONG IKALAWANG DIGMAANG PANDAIGDIG, PEBRERO 1945. IPINATAYO ANG BAGONG SIMBAHAN NI PADRE PRUDENCIO AGUINALDO, 1946-1951.

SA SIMBAHANG ITO BININYAGAN SI PIO VALENZUELA, 12 HULYO 1869; DITO RIN IDINAOS ANG MISA NG KANYANG PAGLILIBING, 8 ABRIL 1956.  

Simbahan ng United Church of Manila

NHCP Photo Collection, 2024

NHCP Photo Collection, 2024

NHCP Photo Collection, 2024

Location: 2006 CM Recto. Avenue cor. SH Loyola Street, Quiapo, Manila

Category: Buildings/Structures

Type: House of worship

Status: Level II - Historical marker

Marker date: 21 July 2024

Installed by: National Historical Commission of the Philippines (NHCP)

Marker text:

SIMBAHAN NG UNITED CHURCH OF MANILA

ITINATAG SA POOK NA ITO ANG UNITED CHURCH OF MANILA MULA SA PAGSASAMA NG ILANG KASAPI NG UNITED BRETHREN STUDENT CHURCH, BAPTISTS AT CONGREGATIONALISTS, 1924. ANG GUSALI NA UNANG NAGSILBING  KONSULADO NG HAPON AY ISINAAYOS UPANG GAMITIN BILANG SIMBAHAN SA PAMAMAHALA NI OBISPO ENRIQUE C. SOBREPEÑA, 1926. IDINAGDAG ANG KONKRETONG ISTRUKTURANG NEO-GOTIKO SA HARAPAN, 1930. NAGING POOK PANGPULUNGAN AT PANANAMPALATAYA NG MGA PILING PERSONALIDAD GAYA NINA GREGORIO AGLIPAY, FRANK LAUBACH, JOSE ABAD SANTOS, CAMILO OSIAS, RAFAEL PALMA. BILANG BAHAGI NG LAYUNIN NG IMPERYONG HAPON NA MAKAPAGTATAG NG UNYON NG MGA MANANAMPALATAYA, ITINATAG DITO ANG FEDERATION OF EVANGELICAL CHURCHES IN THE PHILIPPINES (FECP) NA NILAHUKAN NG 200 DELEGADO, 10 OKTUBRE 1942. NAKALIGTAS MULA SA PINSALA NOONG IKALAWANG DIGMAANG PANDAIGDIG. IDINAGDAG ANG SANTUWARYO, 1949. DUMAAN SA MARAMING PAGSASAAYOS KABILANG ANG PAGGIBA SA GITNANG BAHAGI NG LUMANG GUSALI, PAGTATAYO NG MAS MALAKING BULWAGAN AT PAGDAGDAG NG HIWALAY NA CHILDREN’S CHAPEL SA LIKURAN, DEKADA 1960-70. KABILANG SA MGA NAUNANG EKUMENIKONG SIMBAHAN NA NAGSUMIKAP PAGBUKLURIN ANG IBA’T IBANG DENOMINASYONG PROTESTANTE SA PILIPINAS.

Santuario ng Nuestra Señora de Caysasay*

NHCP Photo Collection, 2024

NHCP Photo Collection, 2024

NHCP Photo Collection, 2024

NHCP Photo Collection, 2024

NHCP Photo Collection, 2024

Location: Caysasay, Taal, Batangas

Category: Buildings/Structures

Type: House of worship

Status: Level I - National Historical Landmark

Legal basis: NHCP Resolution No. 12 s. 2024

Marker date: 20 June 2024

Installed by: National Historical Commission of the Philippines (NHCP)

Marker text:

SANTUARIO NG NUESTRA SEÑORA DE CAYSASAY

ITINAYO ANG UNANG SIMBAHANG GAWA SA NIPA AT KAWAYAN BILANG PAGPUPUGAY SA PINANINIWALAANG MILAGROSANG IMAHE NG INMACULADA CONCEPCION NA NALAMBAT SA ILOG NG PANSIPIT NOONG 1603 NA KINALAUNAN AY KINILALANG NUESTRA SEÑORA DE CAYSASAY, 1611. SINIMULANG IPATAYO SA KASALUKUYANG POOK NG MGA AGUSTINO ANG SIMBAHANG YARI SA KORALES SA ILALIM NG PATRONATO NG MILAGROSANG IMAHE NA NOON AY TINAGURIANG NUESTRA SEÑORA DE LA MISERICORDIA, 1639. PINALITAN NG PIEDRA CHINA ANG MATAAS NA HAGDANAN NA NAGDUDUGTONG SA SIMBAHAN PATUNGONG POBLACION NG TAAL SA ILALIM NI PADRE CELESTINO MAYORDOMO O.S.A., 1850. NAGSILBING KANLUNGAN NG MGA NAGSILIKAS NANG PUMUTOK ANG BULKANG TAAL; NASIRA ANG BUBONG, 1754. MULING ISINAAYOS MATAPOS YANIGIN NG LINDOL, 1856. NAWASAK SA MULING PAGPUTOK NG BULKAN, 1911. ITINANGHAL NA DAMBANA NG ARKIDIYOSESIS NG LIPA, 2004. IPINAHAYAG NA PAMBANSANG YAMANG PANGKALINANGAN, 2020 AT PAMBANSANG PALATANDAANG PANGKASAYSAYAN, 2024. ISINAAYOS NG PAMBANSANG MUSEO NG PILIPINAS, 2024.

Katedral ng Cabanatuan

© Patrickroque01/Wikimedia Commons/CC-BY-SA 4.0

NHCP Photo Collection, 2024

© Patrickroque01/Wikimedia Commons/CC-BY-SA 4.0

Location: Cabanatuan City, Nueva Ecija

Category: Buildings/Structures

Type: House of worship

Status: Level II - Historical marker

Marker date: 14 June 2024

Installed by: National Historical Commission of the Philippines (NHCP)

Marker text:

KATEDRAL NG CABANATUAN

ITINATAG NG MGA AGUSTINO BILANG VISITA NG GAPAN BAGO NAHIWALAY BILANG SARILING PUEBLO, 1700. IPINATAYO ANG SIMBAHANG GAWA SA BATO AT ANG KUMBENTO SA PAMUMUNO NI PADRE JOSE FUENTE, O.S.A., 1866. NASIRA NOONG LINDOL SA LUZON, HULYO 1880. MULING IPINATAYO ANG SIMBAHAN AT ANG TATLONG PASILYO, AT ANG KUMBENTO SA PAMUMUNO NI PADRE MARIANO RIVAS, O.S.A., 1891. NAGSILBING TANGGAPAN NG PANGULO ANG KUMBENTO NANG ILIPAT ANG KABISERA NG UNANG REPUBLIKA NG PILIPINAS SA CABANATUAN, MAYO 1899. PINASLANG NG BATALYONG KAWIT SINA HENERAL ANTONIO LUNA AT KORONEL FRANCISCO ROMAN SA PLAZA SA HARAP NG KUMBENTO, 5 HUNYO 1899. NASUNOG ANG SIMBAHAN AT KUMBENTO, 1934. MULING IPINATAYO BAGO MAGSIMULA ANG IKALAWANG DIGMAANG PANDAIGDIG. NAGING KATEDRAL MATAPOS ITATAG ANG DIYOSESIS NG CABANATUAN, 16 PEBRERO 1963. MULING NASUNOG ANG SIMBAHAN AT KUMBENTO, KASAMA ANG PAARALAN, 1972. MULING IPINATAYO SA ILALIM NG PAMUMUNO NI OBISPO VICENTE REYES, OBISPO NG CABANATUAN, AT BRUNO TORPIGLIANI, APOSTOLIC NUNCIO SA PILIPINAS, 1975.

Katedral ng Tagbilaran

NHCP Photo Collection, 2024

NHCP Photo Collection, 2024

Location: Tagbilaran City, Bohol

Category: Buildings/Structures

Type: House of worship

Status: Level II - Historical marker

Marker date: 30 May 2024

Installed by: National Historical Commission of the Philippines (NHCP)

Marker text:

KATEDRAL NG TAGBILARAN

UNANG ITINATAG NG MGA HESWITA BILANG VISITA NG BACLAYON. NAGING PAROKYA, 1742. INILIPAT SA MGA REKOLETO ANG PANGANGASIWA NG SIMBAHAN, 15 MAYO 1769. NASUNOG ANG ORIHINAL NA SIMBAHAN AT KUMBENTO, 23 DISYEMBRE 1798. MULING IPINATAYO NI PADRE VALERO SALVO DE SAN SEBASTIAN, O.A.R. ANG SIMBAHAN, 1840-1855. IPINAAYOS ANG KUMBENTO, 1872. IPINATAYO ANG KAMPANARYO, 1886-1891. IPINAGAWA ANG KAPILYA NG SEMENTERYO, 1894. INILIPAT SA PANGANGASIWA NG MGA PARING SEKULAR NOONG MGA HULING BAHAGI NG IKA-19 NA SIGLO. NAGING KATEDRAL, 8 NOBYEMBRE 1941. SUMAILALIM SA RENOBASYON MATAPOS MASIRA NG LINDOL, 15 OKTUBRE 2013. IDINEKLARA BILANG DAMBANANG PANGDIYOSESIS, 1 MAYO 2021.

Simbahan ng Baliwag

NHCP Photo Collection, 2023

NHCP Photo Collection, 2023

NHCP Photo Collection, 2023

Location: Baliwag City, Bulacan

Category: Buildings/Structures

Type: House of worship

Status: Level II - Historical marker

Marker date: 28 August 2023

Installed by: National Historical Commission of the Philippines (NHCP)

Marker text:

SIMBAHAN NG BALIWAG

ITINATAG NG MGA AGUSTINO NA HIWALAY NA PAROKYA MULA SA QUINGUA, NGAYO’Y PLARIDEL, AT ANGAT, BULACAN, AT ISINAILALIM SA PATRONATO NI SAN AGUSTIN, 26 MAYO 1733. ITINAYO ANG IKALAWA AT KASALUKUYANG SIMBAHANG YARI SA BATO, 1769. NATAPOS ITAYO ANG KASALUKUYANG KUMBENTO NA YARI SA BATO, 1802. NAITALA NI JOAQUIN MARTINEZ DE ZUÑIGA, O.S.A., NOONG 1802 NA ANG PLAZA AT ANG KUMBENTO AY MAIHAHAMBING SA LA GRANJA SA ESPAÑA. ISINAAYOS ANG SIMBAHAN AT ANG KAMPANARYO, 1830. DITO BININYAGAN ANG BAYANING SI MARIANO PONCE, 25 MARSO 1863. NAGING HIMPILAN NG THIRD INFANTRY REGIMENT NG MGA SUNDALONG AMERIKANO NOONG DIGMAANG PILIPINO-AMERIKANO, 1899. PINAGDAUSAN NG KAUNA-UNAHANG LOKAL NA HALALAN SA ILALIM NG PAMAHALAANG KOLONYAL NG MGA AMERIKANO SA UTOS NI HENERAL HENRY LAWTON, 6 MAYO 1899. DUMAAN SA MARAMING PAGSASAAYOS, 1962-1998. MULING ISINAAYOS, 2017. ITINALAGA BILANG ISA SA LIMANG DAANG JUBILEE CHURCHES SA PAGDIRIWANG NG LIMANDAANG TAON NG KRISTIYANISMO SA PILIPINAS, 2021. KILALA BILANG ISA SA MAY PINAKAMAHABANG PRUSISYON SA BANSA TUWING KUWARESMA NA NILALAHUKAN NG HIGIT SA ISANG DAANG KAROSA.

Katedral ng San Fernando

NHCP Photo Collection, 2023

NHCP Photo Collection, 2023

NHCP Photo Collection, 2023

Location: San Fernando City, Pampanga

Category: Buildings/Structures

Type: House of worship

Status: Level II - Historical marker

Marker date: 15 August 2023

Installed by: National Historical Commission of the Philippines (NHCP)

Marker text:

KATEDRAL NG SAN FERNANDO

ITINAYO NG MGA AGUSTINO ANG UNANG SIMBAHAN, 1755. ISINALIN SA PAMAMAHALA NG MGA PARING SEKULAR, 1788. IPINAGAWA YARI SA BATO, 1788-1888. NAGING HIMPILAN NG HUKBONG REBOLUSYONARYO NG PAMPANGA, 1898. IPINASUNOG NI HENERAL ANTONIO LUNA UPANG DI MAPAKINABANGAN NG MGA AMERIKANO, 1899. MULING NASUNOG, 1939, AT ISINAAYOS AYON SA DISENYO NI FERNANDO OCAMPO MATAPOS ANG IKALAWANG DIGMAANG PANDAIGDIG. PINAGLUNSARAN NI PANGULONG MANUEL QUEZON NG SOCIAL JUSTICE PROGRAM NA NILAHUKAN NG LIBO-LIBONG MAGSASAKA AT MANGGAGAWA MULA SA GITNANG LUZON, 1939. NAGING KATEDRAL NG SAN FERNANDO, 1948.

Simbahan ng Leon

NHCP Photo Collection, 2023

NHCP Photo Collection, 2023

NHCP Photo Collection, 2023

Location: Leon, Iloilo 

Category: Buildings/Structures

Type: House of worship

Status: Level II - Historical marker

Marker date: 7 May 2023

Installed by: National Historical Commission of the Philippines (NHCP)

Marker text:

SIMBAHAN NG LEON

ITINATAG SA CAMANDO BILANG VISITA NG TIGBAUAN. 1730. NAGING PAROKYA SA ILALIM NG PATRONATO NI SANTA CATALINA VIRGEN Y MARTIR,1738. NAGTAYO NG BAGONG GUSALI SA KASALUKUYANG LOKASYON NG LEON, 1869. NATAPOS ANG KUMBENTO, 1885. NAGING HIMPILAN NG MGA AMERIKANO NOONG DIGMAANG LABAN SA ESTADOS UNIDOS. PINAMAHALAAN NG MGA MISYONERONG MILL HILL,1910. NASUNOG NOONG IKALAWANG DIGMAANG PANDAIGDIG AT NAGING HIMPILAN NG MGA HAPON. 1942. ISINAAYOS. 1946. NASIRA NG LINDOL NA TINAWAG NA "LADY CAYCAY" 25 ENERO 1948. ISINAAYOS MULI SA PAKIKIPAGTULUNGAN NG TAUMBAYAN, 1976.

Simbahan ng Canaman

NHCP Photo Collection, 2022

NHCP Photo Collection, 2022

NHCP Photo Collection, 2022

NHCP Photo Collection, 2022

Location: Canaman, Camarines Sur

Category: Buildings/Structures

Type: House of worship

Status: Level II - Historical marker

Marker date: 9 November 2022

Installed by: National Historical Commission of the Philippines (NHCP)

Marker text:

SIMBAHAN NG CANAMAN

NAGSIMULA BILANG DOCTRINA NG NUEVA CACERES, NGAYO'Y LUNGSOD NG NAGA, 1583. HUMIWALAY BILANG PAROKYA SA ILALIM NG MGA PATRONG SAN PEDRO AT SAN PABLO, 1599. ITINAYO YARI SA BATO AT IPINAILALIM SA NUESTRA SEÑORA DE LA ASUNCION, 1669. NAGKAROON NG PAGTATALO HINGGIL SA PAMUMUNO NG PAROKYANG ITO SA PAGITAN NG MGA PARING SEKULAR AT PRANSISKANO, IKA-17 HANGGANG IKA-18 DANTAON. LUBHANG NAPINSALA NG LINDOL. 1842. ISINAAYOS, 1845. NASUNOG, 1856. NATAPOS ANG MALAWAKANG PAGSASAAYOS, 1877. SINUNOG NG HUKBONG REPUBLIKANO NG PILIPINAS UPANG DI MAPAKINABANGAN NG MGA AMERIKANONG NANAKOP SA KABIKULAN, 22 PEBRERO 1900. NAGING ARSENAL NG HUKBONG IMPERYAL NG HAPON, 1944. NABAWI NG TANGCONG VACA GUERRILLA, 1945. NAPINSALA NG BAGYONG SENING, LALO NA ANG KUMBENTO, 13 OKTUBRE 1970. NAGKAROON NG MALAKING PAGSASAAYOS ANG HARAPAN AT KUMBENTO NITO SA TULONG AMBAGAN NG MGA MANANAMPALATAYANG KATOLIKO SA CANAMAN, 1978. 

Simbahan ng Oslob

NHCP Photo Collection, 2022

NHCP Photo Collection, 2022

NHCP Photo Collection, 2022

NHCP Photo Collection, 2022

Location: Oslob, Cebu

Category: Buildings/Structures

Type: House of worship

Status: Level II - Historical marker

Marker date: 23 September 2022

Installed by: National Historical Commission of the Philippines (NHCP)

Marker text:

SIMBAHAN NG OSLOB

ITINATAG NG MGA AGUSTINO BILANG VISITA NG CARCAR, 1599; NAGING VISITA NG BOLJOON, 1690. INILIPAT SA PANGANGALAGA NG MGA HESWITA, 1737, IBINALIK SA MGA AGUSTINO, 1742. IPINATAYO NI PADRE JULIAN BERMEJO, OSA, ANG SIMBAHAN AT KUMBENTONG YARI SA KORALES AT KAHOY AYON SA PLANO NI OBISPO SANTOS GOMEZ MARAÑON, 1830; NATAPOS, 1847. NAGING GANAP NA PAROKYA SA PATRONATO NG INMACULADA CONCEPCION; PADRE JUAN JOSE ARAGONES, OSA, UNANG KURA PAROKO, 1848.  IPINATAYO NI PADRE APOLINAR ALVAREZ, OSA, ANG KAMPANARYO, 1858. NASUNOG, 1942 AT 1955. KINUMPUNI, 1956; MULING ISINAAYOS ANG SIMBAHAN AT KUMBENTO SA PAKIKIPAGTULUNGAN NG TAUMBAYAN AT SA PANGUNGUNA NI PADRE CONSTANTINO BATOCTOY, 1980. NASUNOG ANG SIMBAHAN AT KUMBENTO, 2008. MULING ISINAAYOS, 2010.

Katedral ng Tarlac

NHCP Photo Collection, 2022

NHCP Photo Collection, 2022

NHCP Photo Collection, 2022

NHCP Photo Collection, 2022

Location: Tarlac Cathedral, F. Tañedo Street cor. P. Burgos Street, Tarlac City, Tarlac

Category: Buildings/Structures

Type: House of worship

Status: Level II - Historical marker

Marker date: 14 July 2022

Installed by: National Historical Commission of the Philippines (NHCP)

Marker text:

KATEDRAL NG TARLAC

ITINATAG BILANG VISITA NG MAGALANG, PAMPANGA SA ILALIM NG PATRONATO NI SAN SEBASTIAN, 1686. NAGING PAROKYA, 1727. ISINAAYOS YARI SA BATO, 1872. DITO MULING BINUKSAN ANG PAMBANSANG ASAMBLEA MATAPOS LUMIPAT SA TARLAC ANG KABISERA NG UNANG REPUBLIKA NG PILIPINAS, HULYO 1899. KABILANG SA BATAS NA IPINASA RITO ANG PAGPONDO SA PAKIKIDIGMA NG REPUBLIKA LABAN SA AMERIKA, 16 HULYO 1899. DITO HINALAL SI APOLINARIO MABININ BILANG PUNONG MAHISTRADO NG KORTE SUPREMA NG PILIPINAS, 23 AGOSTO 1899. DITO RIN MULING NAGBUKAS ANG UNIVERSIDAD LITERARIA DE FILIPINAS SA PAMUMUNO NI LEON MA. GUERRERO, 8 AGOSTO 1899, AT IDINAOS ANG TANGING PAGTATAPOS, 29 SETYEMBRE 1899. ISINAAYOS, 1959. NAGING KATEDRAL, 16 PEBRERO 1963.