Daungang Galyon ng Palapag, Samar

Location: Corazon Aquino National Highway, Palapag, Northern Samar

Category: Sites/Events

Type: Site

Status: Level II - Historical marker

Marker date: August 10, 2015

Installed by: National Historical Commission of the Philippines (NHCP)

Marker text:

DAUNGANG GALYON NG PALAPAG, SAMAR

HULING HINTUAN NG MGA GALEONG PATUNGONG ACAPULCO, MEHIKO UPANG MAGKARGA NG PANGGATONG AT IMBAK NG PAGKAIN AT TUBIG. ISA SA MGA OPISYAL NA DAUNGAN NG MGA GALEONG GALING MEHIKO BAGO TUMUNGO SA CAVITE PUERTO (NGAYO’Y LUNGSOD NG CAVITE) UPANG PAGKUMPUNIHAN. UNANG DINAUNGAN NG EKSPEDISYONG SIYENTIPIKO NI ALEJANDRO MALASPINA SA PILIPINAS AT TINAYUAN NG OBSERBATORYO PARA SA ASTRONOMIYA, 1 MARSO 1792. HUMINA DAHIL SA PAGTATAPOS NG KALAKALANG GALEON, 1815. DINAUNGAN NG HUKBONG AMERIKANO NOONG DIGMAANG PILIPINO–AMERIKANO, OKTUBRE 1902.

Simbahan ng Basey

NHCP Photo Collection, 2018

NHCP Photo Collection, 2018

NHCP Photo Collection, 2018

NHCP Photo Collection, 2018

Location: Basey, Samar

Category: Buildings/Structures

Type: House of worship

Status: Level II - Historical marker

Marker date: 1987

Installed by: National Historical Institute (NHI)

Marker text:

SIMBAHAN NG BASEY

DATING PAROKYA NG MGA HESWITA SA ILALIM NG OBISPADO NG CEBU NOONG 1591 AT NG TAHANAN NG DAGAMI NOONG 1656. IPINATAYONG MAY MATIBAY NA PUNDASYON NG MGA HESWITA AT INIALAY KAY SAN MIGUEL DE ARCHANGEL. INILIPAT SA MGA AGUSTINO, 1768, AT SA MGA PRANSISKANO, 1795; NGUNIT PINAMUSESYONAN NOONG 1804. IPINAAYOS AT IPINAGAWA ANG TORE AT KUMBENTONG BATO AT KUBALES KASAMA ANG SEMENTERYO AT KAPILYA NI PADRE DOMINGO DE MADRID, 1845, SINIRA NG BAGYO, 1880. PINALITAN ANG BUBUNGAN NG YERONG GALBANISADO NI PADRE VICENTE GUTIERREZ, 1894–1896. NAGING PUNONG HIMPILANG PANGMISYON, SENTRO NG PAGTUTURO NG “DOCTRINA CHRISTIANA”, AT KUTA—PANAHON NG KASTILA; BULWAGANG PULUNGAN AT DULAAN—NANG PANANAKOP NG HAPON; AT POOK LIKASAN—NOONG LIBERASYON.

Katedral ng Calbayog

NHCP Photo Collection, 2018

NHCP Photo Collection, 2018

NHCP Photo Collection, 2018

NHCP Photo Collection, 2018

NHCP Photo Collection, 2018

Location: Calbayog City

Category: Buildings/Structures
Type: House of Worship
Status: Level II - Historical marker
Marker date: 25 November 2018

Installed by: National Historical Commission of the Philippines (NHCP)

Marker text:

KATEDRAL NG CALBAYOG

ITINATAG NG MGA HESWITA SA POOK NA PINANGANGALANANG JIBATAN AT NAGING BISITA NG PAROKYA NG CAPUL, 1599. ISINALIN SA PANGANGALAGA NG MGA PRANSISKANO, 1768. NAGING PAROKYA SA PATRONATO DE LA NATIVIDAD DE NUESTRA SEÑORA, 1785. ITINAYO ANG KASALUKUYANG SIMBAHAN NA YARI SA BATO AT LADRILYO SA PANUNUNGKULAN NI PADRE JOSE GOMEZ DE HUERCE, 1840. ISINAAYOS SA PANGUNGUNA NINA PADRE FRANCISCO JUAN MORENO DE MONTALBANEJO, 1855; AT PADRE SALUSTIANO BUS, 1870. IDINAGDAG ANG KAMPANARYO SA PANAHON NI PADRE JUAN FERRERAS, 1871. PINAMAHALAAN NG MGA SEKULAR, 1900. ITINALAGANG KATEDRAL NG DIYOSESIS NG CALBAYOG SA PATRONATO NINA SAN PEDRO AT SAN PABLO, 1913.

Agustin Sumuroy

Location: Palapag, Samar (Region VIII) 

Category: Personages

Type: Biographical marker

Status: Level II - Historical marker
Marker date: 2008

Installed by: National Historical Institute (NHI)

Marker text:

AGUSTIN SUMUROY

ISINILANG SA PALAPAG, SAMAR. NAMUNO SA PAG-AALSA LABAN SA MGA ESPANYOL BILANG PROTESTA SA SAPILITANG PAGGAWA AT MGA PANG-AABUSO SA MGA KATUTUBO, 1 HUNYO 1649. LUMAGANAP ITO SA LALAWIGAN NG CEBU, MASBATE AT BOHOL SA KABISAYAAN; ILIGAN, HILANGANG MINDANAO AT ZAMBOANGA SA MINDANAO; AT SORSOGON AT ALBAY SA LUZON. ITO AY KINIKILALA BILANG UNANG MALAWAKANG PAGHIHIMAGSIK NG MGA KATUTUBO. PINAGKANULO AT PINASLANG NG SARILING MGA TAUHAN, 1650.