Labanan sa Maimpis

NHCP Photo Collection, 2023

NHCP Photo Collection, 2023

NHCP Photo Collection, 2023

NHCP Photo Collection, 2023

Location: Magdalena, Laguna

Category: Sites/Events

Type: Site

Status: Level II - Historical marker

Marker unveiling date: 18 January 2023

Installed by: National Historical Commission of the Philippines (NHCP)

Marker text:

LABANAN SA MAIMPIS

LABANAN SA PAGITAN NG PUWERSANG ESPANYOL AT MGA KATIPUNERO NG LAGUNA SA PAMUMUNO NI HENERAL EMILIO JACINTO, 27 PEBRERO 1898. NAGANAP NANG MULING ITINATAG ANG REBOLUSYONARYONG PAMAHALAAN SA LAGUNA MATAPOS PATAYIN SI ANDRES BONIFACIO. MALUBHANG NASUGATAN SI HEN. JACINTO AT PANSAMANTALANG DINALA SA SIMBAHAN NG MAGDALENA AT NAKARAAN AY INILIPAT SA SANTA CRUZ. ANG LABANAN AY PATUNAY NG PAGPAPATULOY NG HIMAGSIKANG PILIPINO.

Emilio Jacinto

Location: St. Joseph Parish Church, Masangkay Street, Tondo, Manila

Category: Personages

Type: Biographical marker

Status: Level II - Historical marker

Marker date: 20 December 1975

Installed by: National Historical Institute (NHI)

Marker text:

EMILIO JACINTO 

KINILALANG “UTAK NG KATIPUNAN,” SI JACINTO AY ISINILANG SA POOK NA ITO NOONG IKA-15 NG DISYEMBRE, 1875. ANAK NINA MARIANO JACINTO AT JOSEFA DIZON. UNANG NAG-AARAL SA PAARALAN NI MAESTRO PASCUAL FERRER; NAGTAPOS NG BATSILYER SA SINING SA KOLEHIYO NG SAN JUAN DE LETRAN AT NAG-ARAL NG BATAS SA UNIBERSIDAD NG STO. TOMAS. 

UMANIB SA KATIPUNAN NOONG 1894 NA ANG SINASAGISAG AY “PINGKIAN.” NAGING KALIHIM NG K.K.K., AT KANANG-KAMAY NI ANDRES BONIFACIO. MAY AKDA NG “KARTILYA,” “LIWANAG AT DILIM” ATBP. KASAMANG NAGTATAG NG KALAYAAN, ANG PAHAYAGANG TAMBULI NG KKK, AT NAGSULAT DOON SA ILALIM NG SAGISAG NG “DIMAS-ILAW.”

NAMATAY NOONG IKA-16 NG ABRIL, 1899 SA MAHAYHAY, LAGUNA. 

Emilio Jacinto 1875–1899

Location: Magdalena Town Plaza, Magdalena, Laguna

Category: Personages

Type: Biographical marker

Status: Level II - Historical marker

Marker date: December 14, 2017

Installed by: National Historical Commission of the Philippines (NHCP)

Marker text:

EMILIO JACINTO 

1875–1899

REBOLUSYONARYO AT BAYANI. ISINILANG SA TONDO, MAYNILA, 15 DISYEMBRE 1875. NAG-ARAL SA KOLEHIYO NG SAN JUAN DE LETRAN AT UNIBERSIDAD NG STO. TOMAS. UMANIB SA KATIPUNAN NA MAY PANGALANG PANDIGMA NA PINGKIAN AT NAGING KALIHIM NG SAMAHAN, 1894. SUMULAT NG “KARTILYA,” “KATIPUNAN NANG MANGA A.N.B. – SA MAY NASANG MAKISANIB SA KATIPUNANG ITO.” ISA SA MGA NAGTATAG NG “KALAYAAN,” ANG PAHAYAGAN NG KATIPUNAN, 1896. KASAMANG SUMALAKAY SA SAN JUAN DEL MONTE UPANG KUBKUBIN ANG EL POLVORIN BILANG PAGSISIMULA NG MALAWAKANG PAGHIHIMAGSIK LABAN SA MGA ESPANYOL, 30 AGOSTO 1896. HINIRANG NI BONIFACIO BILANG PUNONG HUKBO SA HILAGA. PINAMUNUAN ANG LABANAN SA MAIMPIS, MAGDALENA, LAGUNA KUNG SAAN MALUBHA SIYANG NASUGATAN, 27 PEBRERO 1898. MAY AKDA NG “GISING NA, MGA TAGALOG!” (1895); “SA BAYANG TINUBUAN” (1896); “A LA PATRIA” (1897); “LIWANAG AT DILIM” AT IBA PA. YUMAO SA STA. CRUZ, LAGUNA, 16 ABRIL 1899.

Pook na Pinaglibingan kay Emilio Jacinto

NHCP Photo Collection, 2024

NHCP Photo Collection, 2024

Location: Sitio 1, Brgy. San Juan, Santa Cruz, Laguna

Category: Sites/Events

Type: Site

Status: Level II - Historical marker

Marker date: April 16, 1966

Installed by: National Historical Commission (NHC)

Marker text:

POOK NA PINAGLIBINGAN KAY EMILIO JACINTO

SA POOK NA ITO INILIBING SI EMILIO JACINTO NA NAMATAY NOONG IKA-16 NG ABRIL, 1899. SI JACINTO AY SUMAPI SA KATAAS-TAASANG KATIPUNAN NG MGA ANAK NG BAYAN (KKK) O KATIPUNAN NOONG 1894 NA MAY SAGISAG NA “PINGKIAN”. NAGING KALIHIM NG SAMAHAN AT KANANG-KAMAY NI ANDRES BONIFACIO. MAY AKDA NG “KARTILYA”, “LIWANAG AT DILIM”, AT IBA PA. KASAMANG NAGTATAG NG PAHAYAGANG KALAYAAN AT SUMULAT SA SAGISAG NA “DIMAS-ILAW”. ANG KANYANG MGA LABI AY INILIPAT SA MAUSOLEO DE LOS VETERANOS DE LA REVOLUCION SA MANILA NOONG 18 NG DISYEMBRE 1921, AT NOONG DISYEMBRE 1976 SA DAMBANANG EMILIO JACINTO SA HIMLAYANG PILIPINO, LUNGSOD NG QUEZON.

Battle of Pinaglabanan

Location: N. Domingo Street cor. Pinaglabanan Road, San Juan city

Category: Sites/Events

Type: Site

Status: Level II - Historical marker

Marker date: August 29, 1969

Installed by: National Historical Commission (NHC)

Marker text: 

BATTLE OF PINAGLABANAN

SA POOK NA ITO NAGANAP ANG MAKASAYSAYANG LABANAN NG MGA PILIPINO AT KASTILA NOONG 30 AGOSTO 1896. DITO UNANG SUMALAKAY ANG MGA KATIPUNERO SA PAMUMUNO NI ANDRES BONIFACIO AT EMILIO JACINTO. SA LABANANG ITO, NA KINASAWIAN NG 153 KATIPUNERO, IPINAKILALA NG MGA PILIPINO NA HANDA SILANG MAG-ALAY NG KANILANG BUHAY ALANG-ALANG SA KALAYAAN NG INANG BAYAN.